कणकवली : तालुक्यातील तोंडवली बोभाटेवाडी येथे शुक्रवारी मध्यरात्री एक वाजताच्या सुमारास घरातील अंगणात लाईट मिटरमध्ये शॉर्टसर्किट झाल्याने अंगणात उभे असलेल्या तेजस सहदेव बोभाटे यांच्या मालकीच्या तीन दुचाकी जळून खाक झाल्याची घटना घडली असून यामध्ये दोन 2 लाख 55,000/ रुपयांचे नुकसान झाले आहे.
दरम्यान, यामध्ये दोनच दिवसांपूर्वी बजाजची सिटी ही 99 हजार 500 रुपये किंमतीची दुचाकी खरेदी केली होती. तीही दुचाकी जळून खाक झाली आहे. यामध्ये एकूण 2 लाख 55 हजार 500 रुपये नुकसान झाल्याची नोंद करण्यात आली आहे. घटनास्थळी पंचनामा करण्यासाठी तलाठी सुदर्शन अलकुटे, फोंडाघाट आऊट पोस्टचे हवालदार माने, नांदगाव विज वितरण विभागाचे अभियंता पंडित, तोंडवली पोलीस पाटील विजय मोरये आदी उपस्थित होते.
