बगदाद : इराकच्या निनवेह प्रांतात एका लग्न समारंभात भीषण आग लागल्याची घटना समोर आली आहे. उत्तर इराकमधील लग्नाच्या हॉलमध्ये लागलेल्या आगीत किमान 100 लोक ठार झाले असून 150 जण जखमी झाले आहेत, अशी माहिती अधिकाऱ्यांनी दिली. ही घटना इराकच्या निनवेह प्रांतातील हमदानिया भागात लागली आहे. हे राजधानी बगदादच्या वायव्येस सुमारे 335 किलोमीटर (205 मैल) उत्तरेकडील मोसुल शहराच्या अगदी बाहेर आहे. आग कशामुळे लागली याबाबत माहिती अद्याप मिळालेली नाही. CCTV फुटेजमध्ये लग्नाच्या हॉलमध्ये जळालेला मलबा दिसत होता. आरोग्य अधिकार्यांनी सरकारी इराकी वृत्तसंस्थेद्वारे मृतांच्या संख्येबाबत माहिती दिली आहे. आग कशामुळे लागली हे अद्याप स्पष्ट झालेले नाही, परंतु फटाके पेटवल्यानंतर आग लागल्याचे प्राथमिक अहवालात समोर येत आहे.
मृतांचा आकडा वाढू शकतो
अधिकाऱ्यांनी घटनेबाबत माहिती देताना सांगितले की, मृतांचा आकडा आणखी वाढू शकतो.आरोग्य मंत्रालयाचे प्रवक्ते सैफ अल-बद्र यांनी सरकारी इराकी वृत्तसंस्थेद्वारे मृतांच्या संख्येची माहिती दिली आहे. अल-बद्र म्हणाले की, दुर्दैवी अपघातामुळे प्रभावित झालेल्यांना मदत दिली जाईल. पंतप्रधान मोहम्मद शिया अल-सुदानी यांनी आगीच्या चौकशीचे आदेश दिले आणि देशाच्या अंतर्गत आणि आरोग्य अधिकाऱ्यांना मदत देण्यास सांगितले आहे, असे त्यांच्या कार्यालयाने निवेदनात म्हटले आहे.
आगीचे कारण कळू शकलेले नाही
निनवेचे प्रांतीय गव्हर्नर नजीम अल-जुबरी म्हणाले की, काही जखमींना प्रादेशिक रुग्णालयात पाठवण्यात आले आहे. आगीत झालेल्या जीवितहानींची अद्याप कोणतीही अंतिम आकडेवारी नसून मृतांचा आकडा अजून वाढू शकतो. आगीच्या कारणाबाबत कोणतेही तात्काळ अधिकृत माहिती नाही, परंतु कुर्दिश दूरचित्रवाणी वृत्तवाहिनी रुडावच्या प्राथमिक अहवालानुसार आग घटनास्थळी लावलेल्या फटाक्यांमुळे लागली असावी.
