रोटरी क्लब ऑफ मॅंगो सिटी देवगडतर्फे आरोग्य शिबिर

देवगड (प्रतिनिधी)

रोटरी क्लब ऑफ मॅंगो सिटी देवगडतर्फे आरोग्य शिबिर 

रोटरी क्लब ऑफ मॅंगो सिटी देवगड यांच्यावतीने ११ ऑगस्ट रोजी देवगड इंद्रप्रस्थ सभागृहामध्ये नगरपंचायत कर्मचारी व महाराष्ट्र विद्युत वितरणच्या कर्मचारी व अधिकाऱ्यांसाठी मोफत आरोग्य शिबिराचे आयोजन करण्यात आले आहे.

रोटरी क्लब ऑफ मॅंगो सिटी देवगड या संस्थेने देवगडमध्ये अनेक सामाजिक उपक्रम राबविले आहेत. अनेक रुग्णांनाही जयपूर फूटच्या माध्यमातून अपघातग्रस्त व अपंगत्व आलेल्या व्यक्तींना कृत्रिमरीत्या हात व पाय बसविण्यात आले आहेत. ११ ऑगस्ट रोजी सकाळी ९ :०० ते दुपारी २ :०० या कालावधीमध्ये देवगड नगरपंचायतमधील कर्मचारी व तालुक्यातील विद्युत कर्मचारी व अधिकाऱ्यांनी या शिबिराचा लाभ घ्यावा, असे आवाहन देवगड रोटरी क्लबतर्फे करण्यात आले आहे.

        या शिबिरामध्ये मधुमेह तपासणी व इतर आरोग्याच्या तपासण्या करून मोफत उपचार केले जाणार आहेत. या आरोग्य शिबिरासाठी मधुमेह तज्ज्ञ डाॅ. प्रशांत मडव, डाॅ. अरुण गुमास्ते व होमिओपॅथी व आहारतज्ज्ञ डाॅ. गार्गी ओरसकर उपस्थित राहणार आहेत. मधुमेह तपासणी करणाऱ्या रुग्णांनी उपाशीपोटी यायचे आहे.अल्पोपहाराची व्यवस्था रोटरी क्लबतर्फे करण्यात आली आहे. तरी इच्छुकांनी नावनोंदणी रोटरी क्लबचे अध्यक्ष गाैरव पारकर – ९४२११४२६२६, डाॅ. रामदास बोरकर – ९४२२५८४०३८ यांच्याकडे करावी.