विवाहितेच्या विनयभंग प्रकरणी दोघांना अटकपूर्व जामीन मंजूर

कणकवली (प्रतिनिधी)

विवाहितेच्या विनयभंग प्रकरणी दोघांना अटकपूर्व जामीन मंजूर

विवाहितेला वारंवार अश्लिल फोन करून रात्रीच्यावेळी तिच्या खोलीवर जात अश्लिल वर्तन करत विनयभंग केल्याप्रकरणी सिद्धेश बाळू खरात, प्रमोद प्रकाश कोकरे यांना प्रमुख जिल्हा व सत्र न्यायाधीश एच. बी. गायकवाड यांनी प्रत्येकी ५० हजार रुपयांचा सशर्थ अटकपूर्व जामीन मंजूर केला. संशयितांच्यातीने ॲड. उमेश सावंत यांनी काम पाहिले.

एका गावातील विवाहित महिलेला तिचा वारंवार पाठलाग करून व तिचा मोबाईल नंबर मिळवून तिला वेळी अवेळी अश्लिल फोन केले. तसेच रात्रीच्यावेळी ती एकटी असल्याचा गैरफायदा घेत राहत्या घरी जात अश्लिल वर्तन केल्याप्रकरणी विवाहितेने दिलेल्या फिर्यादीनुसार तीघांवर भारतीय न्याय संहिता कलम ७४, ७५, ७८ प्रमाणे गुन्हा दाखल करण्यात आला होता. याबाबत संशयितांच्यावतीने सत्र न्यायालयात अटकपूर्व जामिनासाठी अर्ज केला असता सुनावणीअंती प्रत्येकी ५० हजार रुपयांचा जामीन मंजूर करताना पुराव्यात ढवळाढवळ करू नये, फिर्यादीशी संपर्क साधू नये, आदी अटी घालण्यात आल्या आहेत.