दक्षिण आफ्रिकेच्या मार्करमचे लंका दहन.! ; श्रीलंकेविरुद्धच्या सामन्यात रचला इतिहास.

नवी दिल्ली : यंदाच्या विश्वचषक स्पर्धेचा विजयी संघ म्हणून प्रबळ दावेदार असलेल्या दक्षिण आफ्रिकेच्या संघाने आपल्या वर्ल्ड कप मोहिमेची वादळी सुरुवात केली आहे. दिल्लीत होत असलेल्या श्रीलंकेविरुद्धच्या सामन्यात मोठी धावसंख्या उभारली आहे. आफ्रिकेच्या ए़डन मार्करमने वादळी खेळी साकारली. मार्करमने विश्वचषक स्पर्धेत सर्वाधिक वेगवान शतक झळकवण्याचा विक्रम केला आहे. त्याने अवघ्या 49 चेंडूत शतक साकारले. त्याच्या या खेळीमुळे दक्षिण आफ्रिका संघाने 50 षटकात 5 बाद 428 धावांचा डोंगर उभारला आहे.

मार्करमने 54 चेंडूत 196.30 च्या स्ट्राईक रेटने 106 धावांची धडाकेबाज खेळी साकारली. त्याने आपल्या खेळीत 14 चौकार आणि 3 षटकारांचा वर्षाव केला. चौथ्या क्रमांकावर फलंदाजीस आलेल्या मार्करमने डावाच्या सुरुवातीपासूनच आक्रमक पवित्रा घेतला. श्रीलंकेचे गोलंदाज त्याच्यासमोर पूर्णपणे हतबल झाल्याचे दिसून आले. मार्करमएनई आज आयर्लंडचा फलंदाज केविन ओब्रायन याचा विक्रम मोडला. केविनने 2011 मधील वर्ल्डकपमध्ये इंग्लंडविरोधात वेगवान शतक झळकावले होते.

क्रिकेट वर्ल्ड कपमध्ये सर्वात वेगवान शतक झळकावणाऱ्या फलंदाजांच्या यादीत दक्षिण आफ्रिकेचा माजी फलंदाज एबी डिव्हिलियर्सचाही समावेश आहे. 2015 च्या विश्वचषकात डिव्हिलियर्सने वेस्ट इंडिजविरुद्ध 52 चेंडूत शतक पूर्ण केले होते. या यादीत आधी डिव्हिलियर्स तिसऱ्या क्रमांकावर होता, पण आता तो चौथ्या क्रमांकावर आला आहे.

विक्रम रचणारा सामना…