कणकवली : प्रशासनाने ठरवून दिलेले वार्षिक करवसुलीचे उद्दिष्ट तब्बल १०४ टक्के पूर्ण केल्याबद्दल कणकवली तहसीलदार आर. जे. पवार यांचा कणकवली तालुक्यातील महसूल कर्मचाऱ्यांच्या वतीने सत्कार करण्यात आला.
यावेळी मंडळ अधिकारी दिलीप पाटील, मंडळ अधिकारी, संतोष , नागावकर, मंडळ अधिकारी मेघनाथ पाटील, मंडळ अधिकारी विलास चव्हाण, मंडळ अधिकारी नीलिमा प्रभुदेसाई, अव्वल कारकून एस. आर. राणे ,तलाठी श्रीकांत जाधव, तलाठी योजना सापळे, महसूल शाखा सहाय्यक रणजित चौगुले, मनोज आव्हाड, तांत्रिक सहाय्यक बाजीराव काशीद सर्व महसूल कर्मचारी सर्व तलाठी, कोतवाल उपस्थित होते.
कणकवली तालुक्याला वार्षिक कर वसुलीचे उद्दिष्ट ६ कोटी ४० लाख देण्यात आले होते. वार्षिक कर वसुली उद्दिष्ट पार करत तहसीलदार आर.जे.पवार यांनी एकूण ६ कोटी ६३ लाख करवसुली करत वार्षिक कर वसुली उद्दिष्ट १०४ टक्के पूर्ण केले. या कामगिरीबद्दल कणकवली तहसीलदार दालनात तहसीलदार पवार यांचा कणकवली तालुक्यातील महसूल कर्मचाऱ्यांच्यावतीने पुष्पगुच्छ देऊन सत्कार करण्यात आला.
