मळेवाड शाळेच्या वर्ग दुरुस्तीच्या कामाच्या माजी विद्यार्थी वैभव मोरुडकर यांच्या हस्ते शुभारंभ

सावंतवाडी (हेमंत मराठे)

मळेवाड शाळेच्या वर्ग दुरुस्तीच्या कामाच्या माजी विद्यार्थी वैभव मोरुडकर यांच्या हस्ते शुभारंभ

     मळेवाड शाळा नंबर 2 च्या वर्ग खोली दुरुस्तीच्या कामाचा शुभारंभ शाळेचे माजी विद्यार्थी वैभव मोरुडकर यांच्या शुभ हस्ते करण्यात आला.
ग्रामपंचायत मळेवाड कोंडूरेकडे श्री कुलदेवता विद्यामंदिर मळेवाड शाळा नंबर 2 ची वर्ग खोली पूर्णपणे मोडकळीस आली असल्याने या प्रशालेचे मुख्याध्यापक व शालेय व्यवस्थापन समितीने सदर वर्ग खोलीची दुरुस्ती करावी अशी मागणी केली होती. त्या नंतर सरपंच सौ मिलन पार्सेकर व उपसरंचपद हेमंत मराठे यांनी या वर्ग खोलीच्या दुरुस्ती करीता तत्कालीन पालकमंत्री रवींद्र चव्हाण यांच्याकडे मागणी करत त्याचा पाठपुरावा करून जिल्हा वार्षिक योजना अंतर्गत 4 लाख रुपये निधी मंजूर करून आणला. या कामाचा शुभारंभ प्रशालेचे माजी विद्यार्थी वैभव मोरूडकर यांच्या हस्ते श्रीफळ वाढवून करण्यात आला. यावेळी सरपंच सौ मिलन पार्सेकर व उपसरंचपद हेमंत मराठे, कृषी मित्र अमित नाईक, ग्रामपंचायत सदस्य मधुकर जाधव,मुख्याध्यापक लवु सातार्डेकर, ठेकेदार प्रशांत परब, बाळा नाईक आदी उपस्थित होते.