बांदा गणेश नगर येथे श्री गणेश जयंती उत्सव

बांदा (प्रतिनीधी)

बांदा गणेश नगर येथे श्री गणेश जयंती उत्सव

बांदा वाफोली मार्गावरील गणेश नगर ,बांदा येथिल प्रसिद्ध श्री अष्टसिद्धी गणेश मंदिरात शनिवार दि. 1 फेब्रुवारी रोजी प्रतिवर्षाप्रमाणे *माघी गणेश जयंती* सोहळा साजरा होणार आहे. या सोहऴ्यानिमित्त विविध धार्मिक कार्यक्रमाचे आयोजन करण्यात आले आहे.

शनिवारी पहाटे ५ वाजता काकड आरती ,अभिषेक व पूजा, सकाळी ९ वा. श्री सत्यविनायक महापुजा, दुपारी 12.30 वा. गणेशजन्म सोहळा , १ ते 3 महाप्रसाद , सायंकाळी 7 वा. विविध भजने तसेच रात्रो ९ वा. दत्तमाऊली पारंपरिक दशावतार नाट्यमंडळ, सिंधुदुर्ग यांचा अजरामर लोकप्रिय नाट्य प्रयोग मयुरेश्वर सादर होणार आहे.

भाविकांनी या सोहळ्याचा लाभ घेण्याचे आवाहन श्री गणेश मंदिर सेवा समिती,बांदाच्या वतीने करण्यात आले आहे.