मुंबई : शेअर बाजारातील प्रमुख निर्देशांक किंचित वाढीसह व्यवहार करत आहेत. BSE सेन्सेक्स 65,200 आणि निफ्टी 19,400 च्या जवळ आहे. कमकुवत जागतिक संकेतांमुळे बाजारावर दबाव आहे. जिओ फायनान्सचा शेअर सलग तिसऱ्या दिवशी लोअर सर्किटला लागला आहे. तर, मिडकॅप निर्देशांक प्रथमच 38,600 च्या पुढे गेले आहेत.
सेन्सेक्सवर ‘या’ शेअर्समध्ये तेजी
अॅक्सिस बँकेचा शेअर बीएसई सेन्सेक्सवर सर्वाधिक 0.68 टक्क्यांच्या वाढीसह व्यवहार करत होता. त्याचप्रमाणे पॉवरग्रिड, इन्फोसिस, रिलायन्स इंडस्ट्रीज, टाटा स्टील, एशियन पेंट्स, अॅक्सिस बँक, लार्सन अँड टुब्रो, टाटा मोटर्स, एनटीपीसी, टीसीएस आणि अल्ट्राटेक सिमेंटचे शेअर्स वाढीसह व्यवहार करत आहेत.
सेन्सेक्सवर ‘या’ शेअर्समध्ये घसरण:
सेन्सेक्सवरील सुरुवातीच्या व्यवहारात जिओ फायनान्शियल सर्व्हिसेस, सन फार्मा, भारती एअरटेल, इंडसइंड बँक, महिंद्रा अँड महिंद्रा आणि आयटीसीचे शेअर्स घसरणीसह व्यवहार करत आहेत.
NSE IX वर, GIFT निफ्टी 44 अंकांच्या किंवा 0.23 टक्क्यांच्या वाढीसह 19,358.50 अंकांच्या पातळीवर व्यवहार करत होता. यावरून दलाल स्ट्रीटची सुरुवात आज सकारात्मक होऊ शकते, असे संकेत मिळत होते.
आज बुधवारी आशियाई बाजारातही नरमाई आहे. आठवड्याच्या तिसऱ्या दिवशी जपानचा निक्केई निर्देशांक जवळपास स्थिर आहे, तर टॉपिक्स निर्देशांक 0.10 टक्क्यांच्या हलक्या घसरणीसह व्यवहार करत आहे. हाँगकाँगचा हँगसेंग 0.5 टक्क्यांनी घसरत आहे, तर ऑस्ट्रेलियाचा S&P/ASX 200 निर्देशांक स्थिर आहे.
ब्राइटकॉम समूहावर सेबीची कारवाई
सेबीने ब्राइटकॉम समूहाचे अध्यक्ष सुरेश के रेड्डी यांना रोखे बाजारात कोणत्याही प्रकारचे व्यवहार करण्यास बंदी घातली आहे. याशिवाय रेड्डी पुढील आदेशापर्यंत कोणत्याही सूचीबद्ध कंपनीत संचालक म्हणून काम करू शकणार नाहीत.
याशिवाय, दिग्गज गुंतवणूकदार शंकर शर्मा यांच्यासह 21 इतर संस्था आणि व्यक्ती पुढील आदेशापर्यंत कंपनीचे शेअर्स विकू शकणार नाहीत. या निर्णयाचा परिणाम दलाल स्ट्रीटवरही होताना दिसत आहे.
